TALABA QIZLAR UCHUN INTELLEKTUAL O'YIN
-Menejment va zamonaviy texnologiyalar universitetida 8-mart – Xalqaro xotin-qizlar kuni munosabati bilan talaba qizlar uchun bayram tadbiri tashkil etildi.
Tadbir davomida universitetimizning faol, iqtidorli va tashabbuskor talaba qizlari uchun samimiy tabriklar yo‘llanib, bayramona muhit yaratildi.
Shuningdek, tadbir doirasida qiziqarli Kahoot enerjayzer o‘yini ham tashkil etilib, talabalar o‘z bilimlari va tezkor fikrlash qobiliyatlarini sinovdan o‘tkazdilar. O‘yin jarayoni quvnoq va ko‘tarinki ruhda o‘tib, ishtirokchilarga yaxshi kayfiyat ulashdi.
Bunday tadbirlar talaba-yoshlar o‘rtasida do‘stona muhitni mustahkamlash, ularning faolligini oshirish hamda bayramona kayfiyatni yanada yuksaltirishga xizmat qiladi.
Barcha aziz va muhtarama ayollarni 8-mart – Xalqaro xotin-qizlar kuni bilan yana bir bor muborakbod etamiz!