ACCA DAVRA SUHBATI
2026-yil 3-mart kuni ACCA (Association of Chartered Certified Accountants) tashkilotining Markaziy Osiyo, Mo'g'uliston va Armaniston mintaqaviy ofisi tomonidan moliya sohasida akademik ta'lim va biznes ehtiyojlari o'rtasidagi hamkorlikni mustahkamlashga bag'ishlangan davra suhbati tashkil etildi. Tadbir "Hilton Tashkent City" mehmonxonasida bo'lib o'tdi.
Mazkur nufuzli tadbirda Menejment va zamonaviy texnologiyalar universiteti vakillari ham ishtirok etib, moliyaviy kasb transformatsiyasi sharoitida oliy ta'lim natijalarini mehnat bozori talablariga moslashtirish masalalari yuzasidan o'z fikr-mulohazalarini bildirdilar.
Davra suhbati davomida:
- akademik ta'lim va ish beruvchilar talablari o'rtasidagi tafovutlar,
- moliya sohasidagi mutaxassislarni tayyorlashdagi dolzarb muammolar,
- amaliy yechimlar ishlab chiqish,
- kelajak moliyachilarini raqobatbardosh va professional rivojlanishga tayyorlash kabi masalalar muhokama qilindi.
- Shuningdek, ish beruvchi tashkilotlar bilan samarali fikr almashilib, kelgusida talabalar malakasini oshirish, amaliyot dasturlarini kengaytirish hamda maqsadli hamkorlik kelishuvlarini amalga oshirish doirasida o'zaro kelishuvlarga erishildi.
- Ushbu tadbir universitetimizning ta'lim sifatini oshirish, xalqaro standartlarga mos kadrlar tayyorlash va biznes hamjamiyat bilan hamkorlikni yanada mustahkamlash borasidagi ustuvor yo'nalishlarini yana bir bor namoyon etdi.
Tadbir yakunida ACCA'ning Markaziy Osiyo, Mo'g'uliston va Armaniston bo'yicha koordinatori Zhuldyz Zharmagambet bilan alohida uchrashuv o'tkazilib, ikki tomonlama hamkorlikni yangi bosqichga olib chiqish yuzasidan muzokaralar olib borildi.
